1.
40歲女士話智慧齒搞到牙肉發炎。唔好問點解佢睇西醫唔睇牙醫。擘大口我淨係見到佢上顎有粒大飛滋。同佢講可能生飛滋引起佢周邊發炎，係唔係關智慧齒事，我唔識睇，自己去搵牙醫。佢好Shock咁話唔知原來上顎都可以生飛滋。以為淨係個嘴先至生得。當我同佢講見過有人吊鐘生飛滋嘅時候，佢直頭覺呢件事係痴線嘅。
#神邏輯
2.
男士睇咗幾次傷風感冒，最後忍唔住問其實出面街買嘅傷風感冒藥，同喺診所開嘅有咩分別。我想答除咗我會收你貴啲之外，基本上冇咩分別。除非我要開到特別藥例如抗生素之外。
街買Panadol同我開嘅Panadol，既然成份一樣，又點會有分別呢？好似你屋企食荷包蛋，同你去茶餐廳食荷包蛋，分別咪就係出面隻荷包蛋會貴好X多囉。
成效可能你會覺得診所開嘅好啲，因為有Placebo Effect。覺得有醫生睇過摸過聽過你個肺，就一定對症下藥。流鼻水來來去去咪又係得嗰幾隻藥。不過始終你俾貴咁多，你可能覺得一分錢一分貨會快啲好。其實好多普通嘅傷風感冒藥，成本好平嘅咋。一粒黃色收鼻水嗰啲抗敏感藥丸仔，一毫子都唔值。
#係咪我老細就嚟笠我麻包袋打7我
～～～
我「幫」我老公食嘅咋，唔係我想叫㗎🤣🤣🤣🤣🤣
Search